പുലരിതൻ വെട്ടം പരന്നൊരാനേരത്തു,
ഞാനൊന്നെത്തിയെൻ ഓമന ആരാമത്തിൽ.
ഇന്നലെ പൂത്തോരാ പനിനീരിൻ സുഗന്ധം
എൻ മനതാരിൽ അലയിട്ടോരാ പ്രണയ സ്വപ്നം.
ഒറ്റയ്ക്കലയുവാൻ തുനിഞ്ഞോരീ
എന്നിലേക്കോറ്റ വാക്കിനാൽ കടന്നു -
വരാൻ കൊതിച്ച പെണ്ണേ...
പൂപോലെയുള്ള നിൻ കോമള പൂമേനിതൻ സുഗന്ധം ഞാൻ അപ്പാടെ ശ്വസിച്ചിരുന്നു.
മൃദുലമാം നിൻ ഇളം കൈകോർത്തു
നീങ്ങുവാൻ എനിക്കില്ല ഇന്നൊരിടവും പാരിൽ..
വേനലും മഴയും കാറ്റും കുളിരും സഹിച്ചു ഞാൻ കാടുകൾ മേടുകൾ
താണ്ടിടും നേരത്ത്., നിന്റെ ഓർമ്മകൾ മാത്രമായ് കൂടെകൂട്ടാം.
ഈ വഴിത്താരയിൽ നടന്നു നീങ്ങുവാൻ നിന്നുടെ കാലിനു പക്ക്വമില്ല.
സഖിനിൻ മനസ്സിൽ ഞാൻ മന്ത്രിച്ചൊരുപാട് മോഹങ്ങൾ
വെറുമൊരു പാഴ് സ്വപ്നമായ് നീ
മറന്നു കൊൾക.
ഒടുവിലെൻ മാപ്പായി കുറിച്ചു കൊള്ളുന്നോരീ വരികൾ.. വീണ്ടുമൊരു യാത്ര തുടങ്ങും മുൻപേ..