అడ్డు తెరలెందుకు ?

arrow_back

Poem

3 views

Sandhya Sutrave

8 months ago

+ Follow

అడ్డుతెరలెందుకు ?
----------------------------
తెలివిమీరి ఆశహెచ్చి
దేన్నైనా సాధించగలమనే
అహంతో ప్రకృతినే ధిక్కరిస్తే
పర్య‌వసానం శూన్యం తీవ్రతరం
సౌరధార్మికత రోదసిలో
తిరోగమనానికి యోచన !
పర్యావరణంలో సూక్ష్మధూళికణాల
కృత్రిమ పెంపు అడ్డుతెరగా
సూర్యరశ్మి నేలకు ఆనక
శీతల వాతావరణానికై
ఊహా ప్రయోగ ప్రయత్నం
అంబుధి నీరు ఆవిరి కాకుండా
సౌరతాపం భూమికి చేరకుండా
అడ్డుకట్టగా అంబుదాల సృష్టి
సాంకేతికత అనుసంధానంతో
ప్రయోగం ఫలిస్తే సరేసరి !
వికటిస్తే ఘోరపరిణామం
ఆహారలేమి ఆరోగ్యానికి చేటు
తక్కువ కాలంలో ఎక్కువ
సాధించాలనే అత్యుత్సాహ
తపనే నిరాశ పరచు !
మనజీవన అలవాట్లు
మార్చుకొని ప్రకృతికి కైంకర్యం జరిపి
సహజపధ్ధతుల్లో అత్యుష్ణం తగ్గించి
జీవన పరిధి పెంచే యోచనే భేష్ .
__________________________
సంధ్య సుత్రావె

© All Rights Reserved
© sandhya sutrave

Poetry